Kafedra mudiri – Uralov Azamat Begnarovich

Filologiya fanlari doktori (DSc), professor

Azamat Uralov – 1985-yil 8-yanvar kuni Samarqand viloyati Payariq (Chelak) tumanida tug‘ilgan. 2006-yili Guliston davlat universitetini “O‘zbek filologiyasi” mutaxassisligi bakalavr, 2009-yil “Lingvistika” mutaxassisligi magistratura, 2012-yil aspiranturasini tugatgan. Mehnat faoliyatini 2005-yilda Boyovut tumanidagi 31-maktabda ona tili va adabiyot fani o‘qituvchisi sifatida boshlagan. 2006 – 2007-yillarda Payariq tumanidagi 69-maktab o‘qituvchisi, 2008 – 2013-yilda Guliston tibbiyot kollejida o‘qituvchi, katta o‘qituvchi, bo‘lim boshlig‘i lavozimlarida ishlagan. 2013-yildan hozirgi vaqtgacha Sirdaryo viloyat pedagogik mahorat markazida faoliyat olib bormoqda. 2013-yilda Sirdaryo viloyat pelagog kadrlarni qayta tayyorlash va ularning malakasini oshirish instituti Til va adabiyot ta’limi kafedrasi katta o‘qituvchisi lavozimida, 2015 – 2016-yillarda kafedra mudiri vazifasini bajaruvchi lavozimida, 2018 – 2025-yilda Tillarni o‘qitish metodikasi kafedrasi mudiri, 2026-yildan Tillar, pedagogika, ijtimoiy-iqtisodiy fanlar metodikasi kafedrasi mudiri lavozimida ishlab kelmoqda. 2019-yildan o‘rindoshlik asosida GulDUning O‘zbek tilshunosligi kafedrasida dotsent, professor lavozimlarida ham faoliyat yuritadi. 2019-yilda “O‘zbek tili morfemikasida murakkab va kengaygan shakllar” mavzusida filologiya fanlari bo‘yicha falsafa doktori – (PhD) dissertatsiyasini yoqlagan, 2023-yilda dotsent unvonini olgan, 2024-yilda “O‘zbek tili morfologik shakllari tizimida nomutanosiblik” mavzusida filologiya fanlari doktori – (DSc) dissertatsiyasini yoqlagan, 2025-yilda professor unvonini olgan. Azamat Uralov bugungi kunga qadar “O‘zbek tini o‘qitish metodikasi” nomli 1 ta darslik (2025), “Hozirgi o‘zbek adabiy tili” (2021), “O‘zbek tilini o‘qitish metodikasi” (2024, M.Qambarov bilan hammualliflikda) nomli, “Ta’lim metodlari, texnologiyalari va didaktik o‘yinlar” (2025), “Tilshunoslik nazariyasi” (2026), “O‘quvchilarni faollashtirish usullari” (2026) nomli 5 ta o‘quv qo‘llanmalar, “O‘zbek tili morfologiyasida nomutanosiblik” – (2022), “Morfologik shakllarda nomutanosiblikning yuzaga chiqishi” – (2024), “Morfologik shakllarda nomutanosiblikning hosil bo’lishi, ko’rinishlari va xususiyatlari” – (2025) nomli, “Lingvomadaniyat va ijtimoiy tarmoqlar tili” – (2026) nomli 4 ta monografiyalar, “H va X ni farqlash qoidalari va lug‘ati” – (B.Supiyeva bilan hammualliflikda, 2023) nomli o‘quv lug’ati, “Qutlug‘ dargoh” – (2025-yilda, B.Atayeva bilan hammualliflikda) nomli risola muallifi. Shuningdek, Azamat Uralov tomonidan malaka oshirish tizimiga aloqador “Interfaol ta’lim” – (2013), “Ta’limiy metodik o‘yinlar” – (2014), “Nutq va muloqot madaniyati” – (2014), “Zamonaviy metodika” – (2015), “Imlo qoidalari va tinish belgilari” – (2014), “Muhammad Yusuf istiqlol kuychgisi” – (2014), “Nomutanosiblikning umumnazariy masalalari” – (2014), “Til morfem qurilishidagi o‘zgarishlar va nomutanosiblikning ayrim xususiyatlari” – (2014), “Kengaygan shakllar, ularning paydo bo‘lish xususiyatlari, til tizimidagi mavqeyi” – (2015), “Ona tilimni o‘rganaman” – (2014), “Testlar banki” – (2015), “Matonat siri yoxud Zulfiya she’riyatida badiiyat” – (2015), “Tilshunoslikda tahlil texnologiyasi” – (2015), “Ijodkorlik davr talabi” – (2015), “Testlar majmuasi” – (2015), “Izlanish yo‘lida” – (2016), “Yaxshi dars – bolaga xavas” – (2016), “Imlo qoidalariga sharx” – (2017), “H va X ni farqlash qoidalari” – (2017), “Ustozga ta’zim” – (2016), “Tinish belgilarining taraqqiyoti va ishlatilishi” – (2018), “Malakaviy ishlarni to‘g‘ri rasmiylashtirish” – (2018), “Izlanish yo‘lida” – (2018), “Ochiq dars ishlanmalari” – (2018), “Darslarni tahlil qilish me’yorlari” – (2018), “Kengaygan shakllar va murakkab affikslar xususida” – (2018), “Dars ishlanmalar tajribasi: tahlil va taklif” – (2019), “Interfaol metodlar” – (2019), “Topshiriqlar bilan ishlash metodikasi” – (2019), “Nutq me’yorlari” – (2019), “Morfemalar tarkibini belgilash” – (2019), “Interfaol mashqlar” – (2021), “Imlo qoidalari va tinish belgilarini ishlatish metodikasi” – (2022), “Muhammad Yusuf ijodini o‘qitish metodikasi” – (2024), “Yangi metodikalar” – (2023), “Adabiyot darslarini o‘qitishda samaradorlikka erishish” – (2023), “Ona tili fanining nazariy va amaliy asoslari” – (2024) kabi 50 ga yaqin metodik qo‘llanma, uslubiy hamda metodik tavsiyalar yaratgan. So’nggi 15 yil davomida 300 dan ortiq ilmiy va ommabob maqolalari nashr etilgan. O‘zbekiston Respublikasi “Xalq ta’limi a’lochisi” – (2022), “Ilm-fan fidokori” – (2023) xalqaro ko‘krak nishoni, “Yangi O‘zbekiston bunyodkorlari” – (2025) xalqaro ko‘krak nishoni sohibi.